"हम ओके 5 तारीख के मुआ देब!"

स्टेशन पर भीड़ ज्यादा रहे। पैसेंजर ट्रैन के आवे के घोषणा हो गईल रहे अउरी यात्री लोग ट्रैन पकडे खातिर प्लेटफार्म नंबर तीन पर लटकल रहे। ट्रैन बबलू के भी पकडे के रहे पर उनका कवनो अकुताई ना रहे। इ उनकर आदत रहे। उ ट्रैन में सबसे आखरी में चढ़स अउरी अगर लटके के नौबत आवे त ट्रैन छोड़ भी देस। भले घंटे दू घंटा दूसरा ट्रैन खातिर बइठे के पड़े। वईसे भी ट्रेन चुकी ओहिजा से खुले त जगह ना मिले के कवनो बाते ना रहे। कुछ देर में पैसेंजर ट्रैन आ गईल अउरी ओइमे घुसे खातिर लोग कुश्ती करे लागल। बबलू इत्मिनान से खड़ा रहले। आजू भीड़ कुछ ज्यादा ही रहे। ट्रैन खचखच भर गईल अउरी काफी लोग पायदान पर भी लटकल रहे। ट्रैन चले के सिटी बजा देहलस। उहो ट्रैन पकडे खातिर पायदान तक पहुँचले पर इ जान के कि लटक के ही जाए के पड़ी उ आपन गोड़ पाछे खीच लेहले। हाबड़ावा पीछे ही रहे अउरी गोरखपुर से भटनी भी उ पैसेंजर से पहिले ही पहुचित। उ थोड़ा पीछे खड़ा हो गईले। ट्रैन धीरे धीरे सरके लागल अउरी कुछ देर में रफ़्तार पकड़ लेहलस। प्लेटफार्म के खाली होते ही उनकर नजर एगो काला रंग के डायरी पर पड़ल। शायद चढ़े के धक्का मुक्की में कवनो यात्री के डायरी गिर गईल रहे। उ आगे बढ़ के उठा लेहले अउरी इ सोच के भी जेकर होई ओके भेजवा देब, ओकर पहिला पन्ना खोलले। बड़ा अचरज के बात रहे कि नाम अउरी पता वाला पन्ना एकदम खाली रहे। फेरु अगिला पन्ना खोलले, उहो खाली, अउरी ओकरा बाद वाला भी खाली। शायद आगे कुछ मिलो इहे सोच के उ एकह गो पन्ना उलाटत गईले। करीब ५० पन्ना उलटला के बाद उनकर अंगूरी रूक गईल। उ 5 मार्च 2017 के तारीख रहे अउरी जवन लिखल रहे ओके पढ़ के उ सिहर गईले -